Þorramatur er dýrðarinnar dásemd 27. janúar 2005 00:01 „Þorrinn er það besta sem yfir þessa þjóð gengur," segir Eggert með áherslu og mælir með súrsuðum hrútspungum, hval og harðfiski og hákarlinum alveg sérstaklega því hann sé svo hollur. "Rannsóknir sýna að hákarlinn bætir öll mein og eykur karlmönnum karlmennsku og konum kynþokka. Þetta er svo dulúðug skepna og þegar búið er að míga yfir hana og grafa hana í jörð þá gefur auga leið að hún hlýtur að gera eitthvað fyrir fólk," eru hans orð. Eggert segir þó vissulega það sama gilda almennt um þorramat og annan mat að menn verði að borða hann af einhverri skynsemi, til dæmis séu spikfeitir bringukollar og lundabaggar bestir í hófi. Hann minnist sælutímabils í lífi sínu sem stóð yfir meðan konan hans vann hjá þorrakónginum Jóhannesi Stefánssyni í Múlakaffi. "Þá var ég með stóra tunnu úti í skúr sem ég kallaði happdrættistunnu. Í henni var mysa og ég fékk súrasta afskurðinn úr Múlakaffi. Ég þurfti alltaf að vera á stuttermabol því tunnan var svo djúp, stakk hendinni upp að öxlum í sýruna og vissi aldrei hvað kæmi upp. Þess vegna var þetta happdrætti - og gríðarlega öflugir vinningar. Steininn tók þó úr þegar félagi minn Bjarni Hafþór kom í heimsókn eftir að tunnan var orðin tóm af vinningum, því þá drakk hann mysuna sem ég var búinn að baða mig upp úr að ofan allan mánuðinn. Honum hefur ekki orðið misdægurt síðan, sem segir allt um það hversu holl þessi mysuböð eru, innvortis sem útvortis." Eggert ólst upp við að borða fýl í Mýrdalnum og kann að lýsa honum. "Fýll er eitt af því fáa sem kemst í þann flokk að vera mannkostamatur því það er beinlínis bætandi að borða hann. Það eina sem mér finnst leiðinlegt við þorrann er að menn skuli ekki súrsa fýl. Hann er hornsteinn íslenskrar arfleifðar." Matur Mest lesið Sonur Fóstbróður slær í gegn: „Ég er fastur þarna núna, orðinn háður“ Lífið Þeir fátæku borga brúsann Gagnrýni „Kristrún Frostadóttir frá... Finnlandi?“ Lífið „Mjög fallegt“ hús og „fullfrágengin“ lóð Lífið Lamaðist og missti sjón en fann styrk í sjálfri sér Lífið Björgvin Franz brotinn en slær í gegn í Ladda og ræktinni Lífið Fyrstur til að skíða niður Everest án súrefnis Lífið Selja íbúð í Vesturbænum: „Við eigum of mörg börn til að búa í henni áfram“ Lífið „Það sýður miklu frekar upp úr við uppvaskið“ Lífið Elli Egils hélt að Elli Egils væri grín Lífið Fleiri fréttir Próteinríkt avókadó-salat að hætti Önnu Eiríks Ungt fólk setur vínbændur í erfiða stöðu Sjá meira
„Þorrinn er það besta sem yfir þessa þjóð gengur," segir Eggert með áherslu og mælir með súrsuðum hrútspungum, hval og harðfiski og hákarlinum alveg sérstaklega því hann sé svo hollur. "Rannsóknir sýna að hákarlinn bætir öll mein og eykur karlmönnum karlmennsku og konum kynþokka. Þetta er svo dulúðug skepna og þegar búið er að míga yfir hana og grafa hana í jörð þá gefur auga leið að hún hlýtur að gera eitthvað fyrir fólk," eru hans orð. Eggert segir þó vissulega það sama gilda almennt um þorramat og annan mat að menn verði að borða hann af einhverri skynsemi, til dæmis séu spikfeitir bringukollar og lundabaggar bestir í hófi. Hann minnist sælutímabils í lífi sínu sem stóð yfir meðan konan hans vann hjá þorrakónginum Jóhannesi Stefánssyni í Múlakaffi. "Þá var ég með stóra tunnu úti í skúr sem ég kallaði happdrættistunnu. Í henni var mysa og ég fékk súrasta afskurðinn úr Múlakaffi. Ég þurfti alltaf að vera á stuttermabol því tunnan var svo djúp, stakk hendinni upp að öxlum í sýruna og vissi aldrei hvað kæmi upp. Þess vegna var þetta happdrætti - og gríðarlega öflugir vinningar. Steininn tók þó úr þegar félagi minn Bjarni Hafþór kom í heimsókn eftir að tunnan var orðin tóm af vinningum, því þá drakk hann mysuna sem ég var búinn að baða mig upp úr að ofan allan mánuðinn. Honum hefur ekki orðið misdægurt síðan, sem segir allt um það hversu holl þessi mysuböð eru, innvortis sem útvortis." Eggert ólst upp við að borða fýl í Mýrdalnum og kann að lýsa honum. "Fýll er eitt af því fáa sem kemst í þann flokk að vera mannkostamatur því það er beinlínis bætandi að borða hann. Það eina sem mér finnst leiðinlegt við þorrann er að menn skuli ekki súrsa fýl. Hann er hornsteinn íslenskrar arfleifðar."
Matur Mest lesið Sonur Fóstbróður slær í gegn: „Ég er fastur þarna núna, orðinn háður“ Lífið Þeir fátæku borga brúsann Gagnrýni „Kristrún Frostadóttir frá... Finnlandi?“ Lífið „Mjög fallegt“ hús og „fullfrágengin“ lóð Lífið Lamaðist og missti sjón en fann styrk í sjálfri sér Lífið Björgvin Franz brotinn en slær í gegn í Ladda og ræktinni Lífið Fyrstur til að skíða niður Everest án súrefnis Lífið Selja íbúð í Vesturbænum: „Við eigum of mörg börn til að búa í henni áfram“ Lífið „Það sýður miklu frekar upp úr við uppvaskið“ Lífið Elli Egils hélt að Elli Egils væri grín Lífið Fleiri fréttir Próteinríkt avókadó-salat að hætti Önnu Eiríks Ungt fólk setur vínbændur í erfiða stöðu Sjá meira