Jólatré bernsku minnar

Jólatré bernsku minnar er sýning í handverksmiðstöðinni Punktinum við Kaupvangsstræti á Akureyri. Sum jólatrén eru nýskreytt en önnur líta út eins og þau komu af háaloftinu. Að sögn Höddu í Punktinum hefur sýningin vakið upp margar tilfinningar og mikið þakklæti og jafnvel orðið til þess að fólk er farið að skreyta híbýli sín aftur með þessum gömlu trjám. Sýningin stendur fram til 21. desember og er opin alla virka daga kl. 13-17 og mánudags- og miðvikudagskvöld kl. 19-22. Hægt er að skoða trén á síðunni www.punkturinn.akureyri.is/islensk_jolatre.htm