Ostakaka með piparmyntubrjóstsykri

Oskakökur eru alltaf lystugar og gott er að grípa til þeirra, hvort heldur sem eftirréttar eða á kaffiborð. Þessi er dálítið sérstök. Hún er búin til í 24 cm formi með klemmu og best er að fóða botn formsins með smjörpappír.



Botn

1 bolli hafrakexmylsna

2-3 msk. kakó

5 msk. smjör

Bræðið smjörið við vægan hita og hrærið mylsnu og kakói saman við. Setjið síðan volga kexblönduna í formið og þrýstið henni vel að botninum. Látið botninn kólna áður en fyllingin er sett á

Fylling

1 msk. matarlímsduft

1/3 dl kalt vatn

500 hreinn rjómaostur

100 gr sykur

3/4 dl mjólk

3/4 mulinn piparmyntubrjóstsykur

2 1/2 dl rjómi, þeyttur

60-70 g mjólkursúkkulaði, saxað

Leysið upp matarlímið. Hrærið rjómaosti og sykri vel saman og síðan matarlímsblöndu, mjólk og brjóstsykri saman við. Látið þetta kólna þar til það þykknar aðeins. Blandið þá súkkulaðinu saman við og því næst rjómanum varlega. Hellið yfir kexbotninn og látið kökuna kólna í sólarhring áður en þið takið hana úr forminu og skreytið með þeyttum rjóma og muldum brjóstsykri.



Úr bæklingi frá Osta og smjörsölunni