Utanríkisráðherra varaði við vaxandi andúð á innflytjendum og gyðingum í Evrópu Kjartan Kjartansson skrifar 25. febrúar 2019 13:45 Guðlaugur Þór í pontu í mannréttindaráði SÞ í Genf í dag. Skjáskot Guðlaugur Þór Þórðarson, utanríkisráðherra, lagði áherslu á að bæta úr göllum mannréttindaráðs Sameinuðu þjóðanna þegar hann ávarpaði það í Genf í dag. Varaði hann við vaxandi andúð á innflytjendum, minnihlutahópum og gyðingum á meginlandi Evrópu og gagnrýndi ríki eins og Filippseyjar, Tyrkland og Sádi-Arabíu fyrir mannréttindabrot. Ísland var kosið í mannréttindaráðið í fyrra eftir að Bandaríkjastjórn sagði sig úr því. Í desember var Ísland jafnframt kosið til að fara með embætti varaforseta ráðsins. Guðlaugur Þór tók að hluta undir gagnrýni á störf mannréttindaráðsins í ávarpi sínu í dag. Svarið væri hins vegar ekki að hætta þátttöku í því heldur að reyna að laga gallana. „Þetta ráð er og ætti að vera aðalvettvangurinn til að ræða og styðja mannréttindi, bæði í hverju landi fyrir sig og alþjóðlega,“ sagði Guðlaugur Þór. Lofaði hann framgöngu ráðsins þegar það samþykkti það sem hann kallaði tímamótaályktanir um hræðilegt ástand mannréttinda í Venesúela, Búrma og Jemen. Sagði ráðherrann ráðið mikilvægan vettvang þar sem aðildarríki, jafnvel þau sem teldu sjálf sig hafin yfir gagnrýni, gætu hlýtt á gagnrýni og ráðleggingar um hvernig þau gætu bætt mannréttindi heima fyrir. Varaði hann við vaxandi umburðarleysi gagnvart förufólki og minnihlutahópum og varhugarverðrar tilhneigingar til andúðar á gyðingum og íslam, meðal annars á meginlandi Evrópu. „Við getum ekki snúið aftur til fortíðar okkar gegn þeim, óvandaðs haturs og ótta,“ sagði Guðlaugur Þór. Duterte forseti Filippseyja hefur háð blóðugt stríð gegn fíkniefnum. Filippseyjar eiga sæti í mannréttindaráðinu.EPA/Rolex Dela Pena Nota kjör í ráðið til að réttlæta mannréttindabrot sín Gagnrýndi utanríkisráðherra sum ríki sem ættu aðild að mannréttindaráðinu fyrir að fara ekki að stofnsáttmála þess um að hafa mannréttindi í hávegum. Nefndi hann þar sérstaklega Filippseyjar þar sem frásagnir væru um að allt að 27.000 manns hefðu verið drepnir utan dóms og laga. Filippseyjar voru kjörnar aftur í mannréttindaráðið nýlega og benti Guðlaugur Þór sérstaklega á það í ræðu sinni. „Það er þannig áhyggjuefni þegar endurkjör í þetta ráð er notað sem réttlæting á þessum drápum sem lögmætum hluti af svokölluðu „stríði gegn fíkniefnum“,“ sagði hann. Spurði ráðherrann hvort að ráðið væri mögulega að spila upp í hendurnar á þeim sem teldu ráðið þjóna mannréttindabrjótum með því að kjósa ríki til setu í því sem stæðu sig illa í mannréttindamálum. Ríki sem ættu sæti í ráðinu ættu jafnframt að vera tilbúin að farið yrði ofan í saumana á þeirra eigin stöðu í mannréttindamálum. Lagði hann til að ráðið íhugaði að láta ríki skiptast á því að eiga fulltrúa þar þannig að öll ríki sem hefðu áhuga gætu tekið þátt í starfi þess. Eins og staðan sé núna bjóði stóru ríkin sig endurtekið fram og komi þannig í veg fyrir að minni ríki fái tækifæri. Jamal Khashoggi andæfði stjórnvöldum í Sádi-Arabíu. Hann var myrtur á ræðisskrifstofu Sáda í Istanbúl í október. Grunur leikur á að krónprins landsins hafi skipað fyrir um morðið.Chris McGrath/Getty Setja réttindi hinsegin fólks í öndvegi Filippseyjar voru ekki eina ríkið sem Guðlaugur Þór nefndi sérstaklega á nafn í ræðu sinni. Lýsti hann áhyggjum af vaxandi kúgun með handtökum á baráttufólki fyrir mannréttindum, blaðamönnum, lögmönnum og dómurum í Tyrklandi. Hvatti hann tyrknesku ríkisstjórnina til að tryggja sjálfstæði dómstóla þar í landi. Morðið á Jamal Khashoggi, sádiarabíska blaðamanninum, á ræðisskrifstofu Sáda í Istanbúl í október sagði Guðlaugur Þór vekja athygli á baráttu blaðamanna og mannréttindafrömuðar. „Víðtækar og handahófskenndar handtökur, pyntingar og ofsóknir á varðmönnum mannréttinda fyrir að neyta grundvallarréttinda sinna á friðsamlegan hátt eru óásættanlegar, alltaf og alls staðar,“ sagði utanríkisráðherra sem biðlaði einnig til sádiarabískra stjórnvalda um að bæta stöðu kvenna. Um Venesúela sagði Guðlaugur Þór að mannréttindaráðið þyrfti að krefjast þess að lýðræði verði komið aftur á friðsamlega og að mannúðaraðstoð komist til þeirra sem þarfnast hennar. Vakti ráðherrann sérstaka athygli á réttindum hinsegin fólks og sagði fréttir af ofbeldisverkum gegn því í ríkjum eins og Téténíu og Tansaníu mikið áhyggjuefni. „Í þessu samhengi vil ég leggja áherslu á heit okkar um að skipa mannréttindum hinsegin fólks í öndvegi í setu okkar í mannréttindaráðinu,“ sagði Guðlaugur Þór. Ísland í mannréttindaráði SÞ Mannréttindi Sameinuðu þjóðirnar Utanríkismál Tengdar fréttir Ísland kosið varaforseti mannréttindaráðs SÞ Fastafulltrúi Íslands stýrir því starfi mannréttindaráðsins á næsta ári með forseta þess. 4. desember 2018 17:53 Mest lesið Fjölskylda flugmanns Icelandair vill að lögregla rannsaki andlát hans Innlent Kona réðst að sjö ára dreng við Smáraskóla Innlent Kona á níræðisaldri sá björninn í þriggja metra fjarlægð Innlent Eiginmaður íslenskrar konu lét sig hverfa rétt eftir brúðkaupið Innlent Fundu lík karlmanns í Reynisfjalli Innlent Hvítabjörninn felldur: Forðaði sér inn og sendi skilaboð á dóttur sína Innlent Hafa „góða hugmynd“ hvar og hvenær stúlkunni var ráðinn bani Innlent Reyndist ekki faðir stúlknanna Innlent „Það er ódýrast og best og fljótlegast að kála þessum dýrum“ Innlent Rafrettukóngur og eigandi Drekans sakaðir um 740 milljóna brot Innlent Fleiri fréttir Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Sjá meira
Guðlaugur Þór Þórðarson, utanríkisráðherra, lagði áherslu á að bæta úr göllum mannréttindaráðs Sameinuðu þjóðanna þegar hann ávarpaði það í Genf í dag. Varaði hann við vaxandi andúð á innflytjendum, minnihlutahópum og gyðingum á meginlandi Evrópu og gagnrýndi ríki eins og Filippseyjar, Tyrkland og Sádi-Arabíu fyrir mannréttindabrot. Ísland var kosið í mannréttindaráðið í fyrra eftir að Bandaríkjastjórn sagði sig úr því. Í desember var Ísland jafnframt kosið til að fara með embætti varaforseta ráðsins. Guðlaugur Þór tók að hluta undir gagnrýni á störf mannréttindaráðsins í ávarpi sínu í dag. Svarið væri hins vegar ekki að hætta þátttöku í því heldur að reyna að laga gallana. „Þetta ráð er og ætti að vera aðalvettvangurinn til að ræða og styðja mannréttindi, bæði í hverju landi fyrir sig og alþjóðlega,“ sagði Guðlaugur Þór. Lofaði hann framgöngu ráðsins þegar það samþykkti það sem hann kallaði tímamótaályktanir um hræðilegt ástand mannréttinda í Venesúela, Búrma og Jemen. Sagði ráðherrann ráðið mikilvægan vettvang þar sem aðildarríki, jafnvel þau sem teldu sjálf sig hafin yfir gagnrýni, gætu hlýtt á gagnrýni og ráðleggingar um hvernig þau gætu bætt mannréttindi heima fyrir. Varaði hann við vaxandi umburðarleysi gagnvart förufólki og minnihlutahópum og varhugarverðrar tilhneigingar til andúðar á gyðingum og íslam, meðal annars á meginlandi Evrópu. „Við getum ekki snúið aftur til fortíðar okkar gegn þeim, óvandaðs haturs og ótta,“ sagði Guðlaugur Þór. Duterte forseti Filippseyja hefur háð blóðugt stríð gegn fíkniefnum. Filippseyjar eiga sæti í mannréttindaráðinu.EPA/Rolex Dela Pena Nota kjör í ráðið til að réttlæta mannréttindabrot sín Gagnrýndi utanríkisráðherra sum ríki sem ættu aðild að mannréttindaráðinu fyrir að fara ekki að stofnsáttmála þess um að hafa mannréttindi í hávegum. Nefndi hann þar sérstaklega Filippseyjar þar sem frásagnir væru um að allt að 27.000 manns hefðu verið drepnir utan dóms og laga. Filippseyjar voru kjörnar aftur í mannréttindaráðið nýlega og benti Guðlaugur Þór sérstaklega á það í ræðu sinni. „Það er þannig áhyggjuefni þegar endurkjör í þetta ráð er notað sem réttlæting á þessum drápum sem lögmætum hluti af svokölluðu „stríði gegn fíkniefnum“,“ sagði hann. Spurði ráðherrann hvort að ráðið væri mögulega að spila upp í hendurnar á þeim sem teldu ráðið þjóna mannréttindabrjótum með því að kjósa ríki til setu í því sem stæðu sig illa í mannréttindamálum. Ríki sem ættu sæti í ráðinu ættu jafnframt að vera tilbúin að farið yrði ofan í saumana á þeirra eigin stöðu í mannréttindamálum. Lagði hann til að ráðið íhugaði að láta ríki skiptast á því að eiga fulltrúa þar þannig að öll ríki sem hefðu áhuga gætu tekið þátt í starfi þess. Eins og staðan sé núna bjóði stóru ríkin sig endurtekið fram og komi þannig í veg fyrir að minni ríki fái tækifæri. Jamal Khashoggi andæfði stjórnvöldum í Sádi-Arabíu. Hann var myrtur á ræðisskrifstofu Sáda í Istanbúl í október. Grunur leikur á að krónprins landsins hafi skipað fyrir um morðið.Chris McGrath/Getty Setja réttindi hinsegin fólks í öndvegi Filippseyjar voru ekki eina ríkið sem Guðlaugur Þór nefndi sérstaklega á nafn í ræðu sinni. Lýsti hann áhyggjum af vaxandi kúgun með handtökum á baráttufólki fyrir mannréttindum, blaðamönnum, lögmönnum og dómurum í Tyrklandi. Hvatti hann tyrknesku ríkisstjórnina til að tryggja sjálfstæði dómstóla þar í landi. Morðið á Jamal Khashoggi, sádiarabíska blaðamanninum, á ræðisskrifstofu Sáda í Istanbúl í október sagði Guðlaugur Þór vekja athygli á baráttu blaðamanna og mannréttindafrömuðar. „Víðtækar og handahófskenndar handtökur, pyntingar og ofsóknir á varðmönnum mannréttinda fyrir að neyta grundvallarréttinda sinna á friðsamlegan hátt eru óásættanlegar, alltaf og alls staðar,“ sagði utanríkisráðherra sem biðlaði einnig til sádiarabískra stjórnvalda um að bæta stöðu kvenna. Um Venesúela sagði Guðlaugur Þór að mannréttindaráðið þyrfti að krefjast þess að lýðræði verði komið aftur á friðsamlega og að mannúðaraðstoð komist til þeirra sem þarfnast hennar. Vakti ráðherrann sérstaka athygli á réttindum hinsegin fólks og sagði fréttir af ofbeldisverkum gegn því í ríkjum eins og Téténíu og Tansaníu mikið áhyggjuefni. „Í þessu samhengi vil ég leggja áherslu á heit okkar um að skipa mannréttindum hinsegin fólks í öndvegi í setu okkar í mannréttindaráðinu,“ sagði Guðlaugur Þór.
Ísland í mannréttindaráði SÞ Mannréttindi Sameinuðu þjóðirnar Utanríkismál Tengdar fréttir Ísland kosið varaforseti mannréttindaráðs SÞ Fastafulltrúi Íslands stýrir því starfi mannréttindaráðsins á næsta ári með forseta þess. 4. desember 2018 17:53 Mest lesið Fjölskylda flugmanns Icelandair vill að lögregla rannsaki andlát hans Innlent Kona réðst að sjö ára dreng við Smáraskóla Innlent Kona á níræðisaldri sá björninn í þriggja metra fjarlægð Innlent Eiginmaður íslenskrar konu lét sig hverfa rétt eftir brúðkaupið Innlent Fundu lík karlmanns í Reynisfjalli Innlent Hvítabjörninn felldur: Forðaði sér inn og sendi skilaboð á dóttur sína Innlent Hafa „góða hugmynd“ hvar og hvenær stúlkunni var ráðinn bani Innlent Reyndist ekki faðir stúlknanna Innlent „Það er ódýrast og best og fljótlegast að kála þessum dýrum“ Innlent Rafrettukóngur og eigandi Drekans sakaðir um 740 milljóna brot Innlent Fleiri fréttir Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Sjá meira
Ísland kosið varaforseti mannréttindaráðs SÞ Fastafulltrúi Íslands stýrir því starfi mannréttindaráðsins á næsta ári með forseta þess. 4. desember 2018 17:53