Söngkona fær hlutverk í 50 gráum skuggum

Söngkonan Rita Ora, 23 ára, leikur Miu, systur Christian Grey, í kvikmyndinni Fifty Shades of Grey sem byggð er á samnefndri skáldsögu eftir E.L. James.

Rita deildi fréttunum með aðdáendum sínum á Twitter.

"Þetta er opinbert! Ég er búin að fá hlutverk í Fifty Shades of Grey sem Mia, systir Christians," skrifar Rita en með hlutverk Christians fer Jamie Dornan.

Tökur á myndinni hófust á Vancouver á sunnudag en leikstjóri myndarinnar er Sam Taylor-Johnson.