Ein hola stærsta verkefni í atvinnusögu Færeyja Kristján Már Unnarsson skrifar 4. júní 2012 11:30 Borpallurinn Cosl Pioneer. Gerir hann Færeyinga að olíuþjóð í haust? Olíuborun sem er að hefjast í færeysku lögsögunni eftir tíu daga verður stærsta verkefni í atvinnusögu Færeyja til þessa. Mikil spenna ríkir meðal Færeyinga og ríkir bjartsýni um að nú hylli loksins undir að þeir verði olíuþjóð enda hefur aldrei verið lagt jafn mikið undir og nú. Áætlað er að borun einnar holu kosti yfir 20 milljarða króna og á verkið að taka fjóra til fimm mánuði, að sögn netmiðilsins oljan.fo. Þrjú félög standa að holunni; norska félagið Statoil með 50%, bandaríska félagið ExxonMobil með 49% og færeyska félagið Atlantic Petroleum með 1% hlut. Borpallinum Cosl Pioneer er ætlað að bora 4.000-5.000 metra djúpa holu á Brugdan-svæðinu suðaustur af Færeyjum, um 30 kílómetrum frá miðlínunni við Bretlandseyjar, en þar er hafdýpið um 500 metrar. Til samanburðar má geta þess að dýpsta hola sem boruð hefur verið á Íslandi er um 3.200 metra djúp, í Hellisheiðarvirkjun. Færeysk fyrirtæki taka virkan þátt í verkinu. Auk olíufélagsins Atlantic Petroleum hafa þrjú þarlend félög fengið samninga sem undirverktakar; flugfélagið Atlantic Airways, skipafélagið Thor og fyrirtækið Atlantic Supply Base, sem rekur þjónustumiðstöð fyrir olíuleit í Rúnavík. Þá munu um 30 Færeyingar verða í vinnu á olíuborpallinum. Það er ekki síst þátttaka Exxon-Mobil sem ýtir undir nýja bylgju bjartsýni meðal Færeyinga, samkvæmt grein á Faroe Business Report, en þar segir að bandaríski olíurisinn hafi orð á sér fyrir varkárni og að ráðast ekki í verkefni nema að undangengnum vönduðum rannsóknum. Þetta verður áttunda holan sem boruð er við Færeyjar frá árinu 2001 en hinar sjö skiluðu ekki tilætluðum árangri. Síðast var borað árið 2006, niður 4.200 metra dýpi, en þá vildi svo illa til að borinn festist. Hann var þá komin niður á gaslind, sem ekki var talin nægilega stór til að vinnsla svaraði kostnaði. Færeyingar eru viðbúnir því að þurfa að sýna þolinmæði og minna sig á að yfir 30 holur voru boraðar án árangurs í lögsögu Noregs áður en olían fannst og 90 holur í Barentshafi. Mest lesið Verðtryggð jafngreiðslulán aðeins í boði fyrir fyrstu kaupendur Viðskipti innlent Gervigreind og tíska: Hafa nú þegar fengið 100 milljónir í styrki Atvinnulíf Milljarður í arðgreiðslur hjá Toyota Viðskipti innlent „Við eigum margar rómantískar stundir í vinnunni“ Atvinnulíf Ráðin markaðsstjóri Sensa Viðskipti innlent Tekur við stöðu forstöðumanns þjónustu hjá Reitum Viðskipti innlent Verður formaður stjórnar hjá Brandenburg Viðskipti innlent Langaði svakalega mikið í sleik við George Clooney Atvinnulíf „Alls konar fólk heyrt í mér um alls konar hluti“ Viðskipti innlent Stöðva þurfi rányrkju bílastæðaeigenda Neytendur Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Olíuborun sem er að hefjast í færeysku lögsögunni eftir tíu daga verður stærsta verkefni í atvinnusögu Færeyja til þessa. Mikil spenna ríkir meðal Færeyinga og ríkir bjartsýni um að nú hylli loksins undir að þeir verði olíuþjóð enda hefur aldrei verið lagt jafn mikið undir og nú. Áætlað er að borun einnar holu kosti yfir 20 milljarða króna og á verkið að taka fjóra til fimm mánuði, að sögn netmiðilsins oljan.fo. Þrjú félög standa að holunni; norska félagið Statoil með 50%, bandaríska félagið ExxonMobil með 49% og færeyska félagið Atlantic Petroleum með 1% hlut. Borpallinum Cosl Pioneer er ætlað að bora 4.000-5.000 metra djúpa holu á Brugdan-svæðinu suðaustur af Færeyjum, um 30 kílómetrum frá miðlínunni við Bretlandseyjar, en þar er hafdýpið um 500 metrar. Til samanburðar má geta þess að dýpsta hola sem boruð hefur verið á Íslandi er um 3.200 metra djúp, í Hellisheiðarvirkjun. Færeysk fyrirtæki taka virkan þátt í verkinu. Auk olíufélagsins Atlantic Petroleum hafa þrjú þarlend félög fengið samninga sem undirverktakar; flugfélagið Atlantic Airways, skipafélagið Thor og fyrirtækið Atlantic Supply Base, sem rekur þjónustumiðstöð fyrir olíuleit í Rúnavík. Þá munu um 30 Færeyingar verða í vinnu á olíuborpallinum. Það er ekki síst þátttaka Exxon-Mobil sem ýtir undir nýja bylgju bjartsýni meðal Færeyinga, samkvæmt grein á Faroe Business Report, en þar segir að bandaríski olíurisinn hafi orð á sér fyrir varkárni og að ráðast ekki í verkefni nema að undangengnum vönduðum rannsóknum. Þetta verður áttunda holan sem boruð er við Færeyjar frá árinu 2001 en hinar sjö skiluðu ekki tilætluðum árangri. Síðast var borað árið 2006, niður 4.200 metra dýpi, en þá vildi svo illa til að borinn festist. Hann var þá komin niður á gaslind, sem ekki var talin nægilega stór til að vinnsla svaraði kostnaði. Færeyingar eru viðbúnir því að þurfa að sýna þolinmæði og minna sig á að yfir 30 holur voru boraðar án árangurs í lögsögu Noregs áður en olían fannst og 90 holur í Barentshafi.
Mest lesið Verðtryggð jafngreiðslulán aðeins í boði fyrir fyrstu kaupendur Viðskipti innlent Gervigreind og tíska: Hafa nú þegar fengið 100 milljónir í styrki Atvinnulíf Milljarður í arðgreiðslur hjá Toyota Viðskipti innlent „Við eigum margar rómantískar stundir í vinnunni“ Atvinnulíf Ráðin markaðsstjóri Sensa Viðskipti innlent Tekur við stöðu forstöðumanns þjónustu hjá Reitum Viðskipti innlent Verður formaður stjórnar hjá Brandenburg Viðskipti innlent Langaði svakalega mikið í sleik við George Clooney Atvinnulíf „Alls konar fólk heyrt í mér um alls konar hluti“ Viðskipti innlent Stöðva þurfi rányrkju bílastæðaeigenda Neytendur Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira