Skortsalar í klípu þar sem dollarinn hríðfellur 12. mars 2010 12:27 Bandaríkjadollar hefur hríðfallið gagnvart helstu gjaldmiðlum það sem af er degi. Mest er fallið gagnvart evrunni, enda hefur síðarnefnda myntin heldur styrkt sig í sessi gagnvart ýmsum fleiri myntum en dollaranum í dag. Gera má ráð fyrir að þeir fjárfestar sem höfðu skortselt evru gagnvart dollar hafi þrotið örendið.Þetta kemur fram í Morgunkorni greiningar Íslandsbanka. Þar segir að svo virðist sem vindurinn sé í bili úr seglum þeirrar lækkunar á evru/dollar gengiskrossinum sem stóð linnulítið frá desemberbyrjun til febrúarloka.Á því tímabili lækkaði evran um 10% gagnvart dollaranum vegna stöðugra frétta af slæmri og versnandi skuldastöðu Grikklands og fleiri evruríkja. Undanfarnar þrjár vikur hefur evran hins vegar hækkað um 2% gagnvart dollar, og hefur bróðurpartur þeirrar styrkingar komið fram á allra síðustu dögum. Evran kostar 1,377 dollara þegar þetta er ritað (kl. 11:00) og hefur ekki staðið sterkari gagnvart dollaranum í tæpan mánuð.Ýmsar skýringar má tína til á viðsnúningnum í þessum konungi gjaldeyriskrossanna, en viðskipti með gjaldmiðlaparið evru og dollar eru þau langumsvifamestu á gjaldeyrismörkuðum heims. Þannig nefna markaðsaðilar til sögunnar fréttir af því að Janet Yellen verði hugsanlega ráðin ein af seðlabankstjórum Bandaríkjanna, en Yellen er af mörgum talin svokölluð vaxtadúfa, þ.e. höll undir að beita stýrivöxtum af varfærni til að halda aftur af verðbólgu.Þá hafa líkur aukist á að Grikkjum takist að sigla fyrir vind með einhvers konar aðstoð frá ESB, enda hafa stjórnvöld þar í landi samþykkt býsna víðtækar aðhaldsaðgerðir við lítinn fögnuð landsmanna.Hins vegar kann það að hafa hvað mest áhrif þessa dagana að marga fjárfesta sem höfðu skortselt evru gagnvart dollar hafi þrotið örendið þegar krafturinn datt úr lækkunarhrinu gengiskrossins. Slíkar skortsölur höfðu náð miklum hæðum í upphafi mánaðarins, en alla jafna eru gjaldeyrisstöður af þessum toga býsna viðkvæmar fyrir óhagstæðri þróun og geta fjárfestar kosið, eða jafnvel neyðst til, að loka þeim í stórum stíl frekar en hætta á stigvaxandi tap þegar markaðurinn snýst gegn þeim, að því er segir í Morgunkorninu. Mest lesið Hafa rúmir opnunartímar áhrif á verðlag? Neytendur „Við eigum margar rómantískar stundir í vinnunni“ Atvinnulíf Sunna veitir Livio samkeppni í frjósemi Viðskipti innlent Langaði svakalega mikið í sleik við George Clooney Atvinnulíf Gervigreind og tíska: Hafa nú þegar fengið 100 milljónir í styrki Atvinnulíf Enn eitt félag Quangs gjaldþrota Viðskipti innlent Stöðva þurfi rányrkju bílastæðaeigenda Neytendur Svekktur en ekki hissa á færri íbúðum í byggingu Viðskipti innlent Gengi Icelandair flaug upp á við Viðskipti innlent Andri aðstoðarframkvæmdastjóri Júní Viðskipti innlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Bandaríkjadollar hefur hríðfallið gagnvart helstu gjaldmiðlum það sem af er degi. Mest er fallið gagnvart evrunni, enda hefur síðarnefnda myntin heldur styrkt sig í sessi gagnvart ýmsum fleiri myntum en dollaranum í dag. Gera má ráð fyrir að þeir fjárfestar sem höfðu skortselt evru gagnvart dollar hafi þrotið örendið.Þetta kemur fram í Morgunkorni greiningar Íslandsbanka. Þar segir að svo virðist sem vindurinn sé í bili úr seglum þeirrar lækkunar á evru/dollar gengiskrossinum sem stóð linnulítið frá desemberbyrjun til febrúarloka.Á því tímabili lækkaði evran um 10% gagnvart dollaranum vegna stöðugra frétta af slæmri og versnandi skuldastöðu Grikklands og fleiri evruríkja. Undanfarnar þrjár vikur hefur evran hins vegar hækkað um 2% gagnvart dollar, og hefur bróðurpartur þeirrar styrkingar komið fram á allra síðustu dögum. Evran kostar 1,377 dollara þegar þetta er ritað (kl. 11:00) og hefur ekki staðið sterkari gagnvart dollaranum í tæpan mánuð.Ýmsar skýringar má tína til á viðsnúningnum í þessum konungi gjaldeyriskrossanna, en viðskipti með gjaldmiðlaparið evru og dollar eru þau langumsvifamestu á gjaldeyrismörkuðum heims. Þannig nefna markaðsaðilar til sögunnar fréttir af því að Janet Yellen verði hugsanlega ráðin ein af seðlabankstjórum Bandaríkjanna, en Yellen er af mörgum talin svokölluð vaxtadúfa, þ.e. höll undir að beita stýrivöxtum af varfærni til að halda aftur af verðbólgu.Þá hafa líkur aukist á að Grikkjum takist að sigla fyrir vind með einhvers konar aðstoð frá ESB, enda hafa stjórnvöld þar í landi samþykkt býsna víðtækar aðhaldsaðgerðir við lítinn fögnuð landsmanna.Hins vegar kann það að hafa hvað mest áhrif þessa dagana að marga fjárfesta sem höfðu skortselt evru gagnvart dollar hafi þrotið örendið þegar krafturinn datt úr lækkunarhrinu gengiskrossins. Slíkar skortsölur höfðu náð miklum hæðum í upphafi mánaðarins, en alla jafna eru gjaldeyrisstöður af þessum toga býsna viðkvæmar fyrir óhagstæðri þróun og geta fjárfestar kosið, eða jafnvel neyðst til, að loka þeim í stórum stíl frekar en hætta á stigvaxandi tap þegar markaðurinn snýst gegn þeim, að því er segir í Morgunkorninu.
Mest lesið Hafa rúmir opnunartímar áhrif á verðlag? Neytendur „Við eigum margar rómantískar stundir í vinnunni“ Atvinnulíf Sunna veitir Livio samkeppni í frjósemi Viðskipti innlent Langaði svakalega mikið í sleik við George Clooney Atvinnulíf Gervigreind og tíska: Hafa nú þegar fengið 100 milljónir í styrki Atvinnulíf Enn eitt félag Quangs gjaldþrota Viðskipti innlent Stöðva þurfi rányrkju bílastæðaeigenda Neytendur Svekktur en ekki hissa á færri íbúðum í byggingu Viðskipti innlent Gengi Icelandair flaug upp á við Viðskipti innlent Andri aðstoðarframkvæmdastjóri Júní Viðskipti innlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira