Rafstöðin bræddi úrsér Gyða Lóa Ólafsdóttir skrifar 8. ágúst 2015 08:00 Rúnar er að vonum ánægður með tíðindin og segir gaman að fá viðurkenningu fyrir vel unnin störf allra þeirra sem að myndinni koma. Vísir/Vilhelm Í gær var tilkynnt að kvikmyndin Þrestir sem leikstýrt er af Rúnari Rúnarssyni væri á meðal þeirra kvikmynda sem valdar hefðu verið í aðalkeppni alþjóðlegrar kvikmyndahátíðar sem fram fer í borginni Donostia-San Sebastián á Spáni. „Þetta er alveg frábært, gaman að fá viðurkenningu fyrir vel unnin störf allra sem tóku þátt í myndinni og það að byrja líf myndarinnar á svona góðum stað skiptir miklu máli upp á framhaldið,“ segir Rúnar glaður í bragði en hann mun halda ásamt fleiri aðstandendum myndarinnar á hátíðina í september. Rúnar, sem skrifaði einnig handritið að Þröstum, hefur áður fylgt kvikmynd eftir á stóra kvikmyndahátíð, síðasta kvikmynd hans Eldfjall var tilnefnd til Camera d'Or á kvikmyndahátíðinni í Cannes 2011 og hafa fleiri myndir í hans leikstjórn verið tilnefndar til hinna ýmsu verðlauna. Myndin var tekin upp sumarið 2014 og fóru tökurnar að mestu leyti fram á Flateyri, Bolungarvík, Suðureyri, Hnífsdal og Ísafirði. „Myndin er tekin úti um allt þarna. Með dyggri hjálp heimamanna. Annars væri þetta ekki hægt. Við komum að opnum dyrum alls staðar þarna fyrir vestan,“ segir Rúnar og bætir við að gestrisni heimamanna hafi ekki komið honum á óvart.Myndin er tekin upp fyrir vestan og Rúnar segir gestrisni og hjálpsemi heimamanna ómetanlega.mynd/SophiaOlssonTökudagar voru 32 talsins og voru 30 af þeim fyrir vestan. Rúnar segir að tökur hafi gengið eins og í sögu, þótt alltaf komi eitthvað upp á. „Einu sinni var búið að loka Vestfjarðagöngunum fyrir tökur og lögreglan á Vestfjörðum var að hjálpa okkur. Þegar við vorum komin inn og vorum að byrja að taka upp þá bræddi rafstöðin úr sér,“ segir Rúnar en um hálfan tökudag var að ræða. „Ekki getur maður tekið upp án þess að vera með ljós, sérstaklega ekki inni í göngum. Það þurfti að finna lausnir á því og laga og koma aftur seinna.“ Myndin var tekin á Super 16 millimetra filmu og segir Rúnar það æ fátíðara að tekið sé upp á filmu í dag, miklu frekar á stafrænt form. Honum þótti þetta upptökuform fallegt og rétt fyrir söguna. „Filman er lifandi form, þetta er ljós sem sprengist á filmunni og nær þannig myndinni. Það er stundum sagt að stafrænt format hafi áhrif á lógíska heilahvelið okkar. Filma hefur áhrif á heilahvelið okkar sem kallar fram tilfinningar og annað. Þetta hefur bæði með hljóð og mynd að gera og hafa verið gerðar þó nokkrar tilraunir,“ segir hann og bætir við að sökum þess hversu vel gekk að fjármagna myndina hafi reynst mögulegt að fara þessa leið. Myndin hlaut meðal annars styrk úr Kvikmyndasjóði Íslands, Danska kvikmyndasjóðnum og Norræna kvikmynda- og sjónvarpssjóðnum og var kostnaður við gerð hennar um 250 milljónir króna og kom fjármagn að stórum hluta erlendis frá. Myndin segir söguna af sextán ára dreng, sem leikinn er af Atla Óskari Fjalarsyni, sem sendur er á æskustöðvarnar vestur á firði til að búa með föður sínum sem hann hefur ekki séð í ein sex ár. Með hlutverk hans fer Ingvar E. Sigurðsson. Einnig fer Kristbjörg Kjeld með hlutverk ömmu drengsins, Rakel Björnsdóttir leikur æskuvinkonu drengsins og einnig kemur fram króatíski leikarinn Rade Šerbedžija sem leikið hefur aukahlutverk í myndum á borð við Mission Impossible: II, Harry Potter and the Deathly Hallows: Part 1, X-Men: First Class og hlutverk glæpamannsins Murads í Taken 2. Þrestir fara í almenna sýningu á Íslandi þann 2. október. Bíó og sjónvarp Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið Ísland með auga fuglsins Lífið Aldrei litið betur út þrátt fyrir alvarlegt slys Lífið Ein lausn er að liggja hlið við hlið og fróa sér Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Geggjað heimatilbúið „Twix“ Lífið Fleiri fréttir Janet Jackson biðst afsökunar á undarlegum ummælum „Það eru komnir þrír mánuðir síðan pabbi minn sá fram á það að geta ekki lifað lengur“ Myndasyrpa úr Bakgarðshlaupinu Ísland með auga fuglsins Var talin vera hommi og lögð í einelti Krakkatían: Dýrin, heimsálfur og teiknimyndir Geggjað heimatilbúið „Twix“ Fréttatía vikunnar: Hollywood stjörnur, þjóðarréttir og pólitík Eignaðist alvöru pungsa með alvöru pungsa Hyggjast halda breytta Söngvakeppni á næsta ári Aldrei litið betur út þrátt fyrir alvarlegt slys Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Sjá meira
Í gær var tilkynnt að kvikmyndin Þrestir sem leikstýrt er af Rúnari Rúnarssyni væri á meðal þeirra kvikmynda sem valdar hefðu verið í aðalkeppni alþjóðlegrar kvikmyndahátíðar sem fram fer í borginni Donostia-San Sebastián á Spáni. „Þetta er alveg frábært, gaman að fá viðurkenningu fyrir vel unnin störf allra sem tóku þátt í myndinni og það að byrja líf myndarinnar á svona góðum stað skiptir miklu máli upp á framhaldið,“ segir Rúnar glaður í bragði en hann mun halda ásamt fleiri aðstandendum myndarinnar á hátíðina í september. Rúnar, sem skrifaði einnig handritið að Þröstum, hefur áður fylgt kvikmynd eftir á stóra kvikmyndahátíð, síðasta kvikmynd hans Eldfjall var tilnefnd til Camera d'Or á kvikmyndahátíðinni í Cannes 2011 og hafa fleiri myndir í hans leikstjórn verið tilnefndar til hinna ýmsu verðlauna. Myndin var tekin upp sumarið 2014 og fóru tökurnar að mestu leyti fram á Flateyri, Bolungarvík, Suðureyri, Hnífsdal og Ísafirði. „Myndin er tekin úti um allt þarna. Með dyggri hjálp heimamanna. Annars væri þetta ekki hægt. Við komum að opnum dyrum alls staðar þarna fyrir vestan,“ segir Rúnar og bætir við að gestrisni heimamanna hafi ekki komið honum á óvart.Myndin er tekin upp fyrir vestan og Rúnar segir gestrisni og hjálpsemi heimamanna ómetanlega.mynd/SophiaOlssonTökudagar voru 32 talsins og voru 30 af þeim fyrir vestan. Rúnar segir að tökur hafi gengið eins og í sögu, þótt alltaf komi eitthvað upp á. „Einu sinni var búið að loka Vestfjarðagöngunum fyrir tökur og lögreglan á Vestfjörðum var að hjálpa okkur. Þegar við vorum komin inn og vorum að byrja að taka upp þá bræddi rafstöðin úr sér,“ segir Rúnar en um hálfan tökudag var að ræða. „Ekki getur maður tekið upp án þess að vera með ljós, sérstaklega ekki inni í göngum. Það þurfti að finna lausnir á því og laga og koma aftur seinna.“ Myndin var tekin á Super 16 millimetra filmu og segir Rúnar það æ fátíðara að tekið sé upp á filmu í dag, miklu frekar á stafrænt form. Honum þótti þetta upptökuform fallegt og rétt fyrir söguna. „Filman er lifandi form, þetta er ljós sem sprengist á filmunni og nær þannig myndinni. Það er stundum sagt að stafrænt format hafi áhrif á lógíska heilahvelið okkar. Filma hefur áhrif á heilahvelið okkar sem kallar fram tilfinningar og annað. Þetta hefur bæði með hljóð og mynd að gera og hafa verið gerðar þó nokkrar tilraunir,“ segir hann og bætir við að sökum þess hversu vel gekk að fjármagna myndina hafi reynst mögulegt að fara þessa leið. Myndin hlaut meðal annars styrk úr Kvikmyndasjóði Íslands, Danska kvikmyndasjóðnum og Norræna kvikmynda- og sjónvarpssjóðnum og var kostnaður við gerð hennar um 250 milljónir króna og kom fjármagn að stórum hluta erlendis frá. Myndin segir söguna af sextán ára dreng, sem leikinn er af Atla Óskari Fjalarsyni, sem sendur er á æskustöðvarnar vestur á firði til að búa með föður sínum sem hann hefur ekki séð í ein sex ár. Með hlutverk hans fer Ingvar E. Sigurðsson. Einnig fer Kristbjörg Kjeld með hlutverk ömmu drengsins, Rakel Björnsdóttir leikur æskuvinkonu drengsins og einnig kemur fram króatíski leikarinn Rade Šerbedžija sem leikið hefur aukahlutverk í myndum á borð við Mission Impossible: II, Harry Potter and the Deathly Hallows: Part 1, X-Men: First Class og hlutverk glæpamannsins Murads í Taken 2. Þrestir fara í almenna sýningu á Íslandi þann 2. október.
Bíó og sjónvarp Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið Ísland með auga fuglsins Lífið Aldrei litið betur út þrátt fyrir alvarlegt slys Lífið Ein lausn er að liggja hlið við hlið og fróa sér Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Geggjað heimatilbúið „Twix“ Lífið Fleiri fréttir Janet Jackson biðst afsökunar á undarlegum ummælum „Það eru komnir þrír mánuðir síðan pabbi minn sá fram á það að geta ekki lifað lengur“ Myndasyrpa úr Bakgarðshlaupinu Ísland með auga fuglsins Var talin vera hommi og lögð í einelti Krakkatían: Dýrin, heimsálfur og teiknimyndir Geggjað heimatilbúið „Twix“ Fréttatía vikunnar: Hollywood stjörnur, þjóðarréttir og pólitík Eignaðist alvöru pungsa með alvöru pungsa Hyggjast halda breytta Söngvakeppni á næsta ári Aldrei litið betur út þrátt fyrir alvarlegt slys Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Sjá meira