Veðravítið 28. janúar 2008 10:40 Það getur tekið dágóðan tíma að ferðast til Köben. Því kynntist ég um helgina - eða öllu frekar dóttir mín. Ég sendi hana sumsé í helgarferð til kóngsins Kaupinhavn í glannabítið síðastliðinn föstudag. Ók henni ásamt stöllu hennar út á Miðnesheiðina í skaflaldsbyl og þæfingsfærð laust upp úr klukkan fjögur að morgni föstudagsins - og þetta reyndist allt saman fremur tafsamt. Hún lenti á Amager klukkan sjö um kveldið. Flugið tafðist um hálfan dag vegna veðurs - eða öllu heldur óveðurs. Sumsé; fimmtán tíma ferðalag út til Kastrup. Það tók ekki betra við á heimleiðinni á sunnudag. Stúlkan lagði af stað frá hótelinu á tíunda tímanum um morgunin. Seinkun á vellinum. Og svo í loftið. Lent á Egilsstöðum. Bið þar. Og aftur bið. Enn frekari bið. Og loks lent við Leifsstöð á sjöunda tímanum um kvöldið. Komin til Reykjavíkur á níunda tímanum. Sumsé; tólf tíma ferðalag heim á Frón. Ferðatíminn var með öðrum orðum 27 tímar. Það jafnast á við ferðalag til Suður Afríku. Stelpan var eiginlega jafn lengi að ferðast til og frá Danmörku og viðveran varði í kongungsríkinu við Eyrarsund. Það er eitthvað sérstaklega óheillandi við þetta allt saman. En svona er veðrið á og við Ísland þennan veturinn. Hvert furðuveðrið rekur annað - og flugið allt úr skorðum. Heilu farmarnir að fólki hristast eins og grjón í Helenustokki til og frá landinu - og þiggja áfallahjálp beggja vegna Atlantsála. Þá voru nú haustskiptin betri! Stelpan náði samt að klára farareyrinn: keypti framsóknarfjöld af peysum og sokkum og skokkum á blessuðu Strikinu. Og skemmti sér vel þótt hún kvarti yfir hálsríg eftir allt þetta ferðalag ... -SER. Viltu birta grein á Vísi? Sendu okkur póst. Senda grein Mannamál Sigmundar Ernis Mest lesið Hvort er ánægjulegra, kynlíf eða verslunarleiðangur? Gró Einarsdóttir Skoðun Af hverju vilja lyfjafyrirtæki ekki að lyfjahampur verði lögleiddur? Sigurður Hólmar Jóhannesson Skoðun Ég er ekki alki Þorgerður María Þorbjarnardóttir Skoðun „Þetta reddast“ og heilsan að húfi? Alexander Aron Guðjónsson,Ásta Logadóttir Skoðun Sannleikurinn um Evrópusambandið V: 26 þjóðir hafa hafnað eigin gjaldmiðli, líka Þýzkaland með sitt ofursterka Mark Ole Anton Bieltvedt Skoðun Mannréttindabrot á vinnumarkaði Helgi Brynjarsson Skoðun Ísland: Landið sem unga fólkið flýr Einar Jóhannes Guðnason Skoðun Nauðsyn námsgagna Álfhildur Leifsdóttir,Hólmfríður Jennýar Árnadóttir Skoðun Eiga íbúðir að vera heimili fólks eða fjárfestingarkostur og munaðarvara? Magnea Marinósdóttir Skoðun Fást engin svör Hjörtur J. Guðmundsson Skoðun
Það getur tekið dágóðan tíma að ferðast til Köben. Því kynntist ég um helgina - eða öllu frekar dóttir mín. Ég sendi hana sumsé í helgarferð til kóngsins Kaupinhavn í glannabítið síðastliðinn föstudag. Ók henni ásamt stöllu hennar út á Miðnesheiðina í skaflaldsbyl og þæfingsfærð laust upp úr klukkan fjögur að morgni föstudagsins - og þetta reyndist allt saman fremur tafsamt. Hún lenti á Amager klukkan sjö um kveldið. Flugið tafðist um hálfan dag vegna veðurs - eða öllu heldur óveðurs. Sumsé; fimmtán tíma ferðalag út til Kastrup. Það tók ekki betra við á heimleiðinni á sunnudag. Stúlkan lagði af stað frá hótelinu á tíunda tímanum um morgunin. Seinkun á vellinum. Og svo í loftið. Lent á Egilsstöðum. Bið þar. Og aftur bið. Enn frekari bið. Og loks lent við Leifsstöð á sjöunda tímanum um kvöldið. Komin til Reykjavíkur á níunda tímanum. Sumsé; tólf tíma ferðalag heim á Frón. Ferðatíminn var með öðrum orðum 27 tímar. Það jafnast á við ferðalag til Suður Afríku. Stelpan var eiginlega jafn lengi að ferðast til og frá Danmörku og viðveran varði í kongungsríkinu við Eyrarsund. Það er eitthvað sérstaklega óheillandi við þetta allt saman. En svona er veðrið á og við Ísland þennan veturinn. Hvert furðuveðrið rekur annað - og flugið allt úr skorðum. Heilu farmarnir að fólki hristast eins og grjón í Helenustokki til og frá landinu - og þiggja áfallahjálp beggja vegna Atlantsála. Þá voru nú haustskiptin betri! Stelpan náði samt að klára farareyrinn: keypti framsóknarfjöld af peysum og sokkum og skokkum á blessuðu Strikinu. Og skemmti sér vel þótt hún kvarti yfir hálsríg eftir allt þetta ferðalag ... -SER.
Af hverju vilja lyfjafyrirtæki ekki að lyfjahampur verði lögleiddur? Sigurður Hólmar Jóhannesson Skoðun
Sannleikurinn um Evrópusambandið V: 26 þjóðir hafa hafnað eigin gjaldmiðli, líka Þýzkaland með sitt ofursterka Mark Ole Anton Bieltvedt Skoðun
Eiga íbúðir að vera heimili fólks eða fjárfestingarkostur og munaðarvara? Magnea Marinósdóttir Skoðun
Af hverju vilja lyfjafyrirtæki ekki að lyfjahampur verði lögleiddur? Sigurður Hólmar Jóhannesson Skoðun
Sannleikurinn um Evrópusambandið V: 26 þjóðir hafa hafnað eigin gjaldmiðli, líka Þýzkaland með sitt ofursterka Mark Ole Anton Bieltvedt Skoðun
Eiga íbúðir að vera heimili fólks eða fjárfestingarkostur og munaðarvara? Magnea Marinósdóttir Skoðun